අද මට හිතුනා මල් දෙවැටට අලුත් ලිපි කාණ්ඩයක් එක් කරන්න ඕනේ කියලා. මේ කාණ්ඬයෙන් මං බලාපොරොත්තු වෙන්නේ හාස්‍ය රසයෙන් පිරුණ ආදරයට ඒත් ආදරය හා ජීවිත අත්දැකීම් ගැන විස්තර කෙරෙන ලිපි කිහිපයක් ඔයාලට ගෙන එන්න.

අද ඉදිරිපත් කරන්නේ කවියක්. මේකෙන් කියවෙන්නේ තරුණ කාලේ ආදරය ගැන කුතුහලයෙන් පිරුණු ළමයෙක් එයාගේ අම්මගෙන් ඒ ගැන විමසන අයුරුයි. ඔන්න හැබැයි මේ කවිය නම් මං හදපු කවියක් නෙවෙයි. කියවලම බලන්නකෝ.

මොනවද අම්මේ අකුරු ජාතියක්
අක්කගේ කොපි කොළ වල ලියලා
කවුරුද අම්මේ ඒවා ලියන්නේ
ආදරයෙන් අමතමි කියලා

පුතා දන්නේ නෑ යෞවන කාලෙට
කෙල්ලො කොල්ලො හරි වැඩ කරති
හමුවන අය පෙම් කතා කියද්දී
බැරි අය කොපි කොළ වල ලියති

එහෙ බැලුවත් පෙම් මෙහෙ බැලුවත් පෙම්
මට නැහැ මොකවත් තේරෙන්නේ
තැපෑලෙනුත් නොව වෙන කෙනෙකුත් නොව
කවුරුද ඒවා ගෙන යන්නේ

පාසල් යනකොට ආපසු එනකකොට
මග තොටදියි මෙය සිදුවන්නේ
අක්කා දෙන එක අක්කට දෙන එක
පොත් ඇතුලෙයි වැඩිපුර යන්නේ

අක්කා විතරද අක්කට විතරද
මේ කොපි කොළ ගන්නේ දෙන්නේ
පාසල ඇතුලෙදි මේවා කෙරෙන බව
එහි ගුරුවරු නැතිවද දන්නේ

නැත මගෙ සූකිරි පුංචි පුතේ නැහැ
කවුරුත් ඔහොමයි තරුණ වියේ
ගුරුවරු නිතරම සෙව්වත් ඔය ගැන
ඕවා කෙරෙන්නේ හොර රහසේ

ඔන්න එක මිනිසෙක් ගියා දුරකතන කුටියකට ඇමතුමක් ලබා ගැනීමට. ඒ කුටිය තිබුණේ එක්තරා වෙළඳසැලක කවුන්ටරයක් අසල. කවුන්ටරයේ හිටපු මුදල් අයකැමි මේ පුද්ගලයාගේ කතාවට සවන් දී ගෙන හිටියා.

මිනිසා : නෝනා, තණකොළ කපන රස්සාව මට දෙන්න පුලුවන්ද?
ගැහැණිය : (ඇමතුමේ අනෙක් පසින්) අපිට තණකොළ කපන කෙනෙක් ඉන්නවා.
මිනිසා : මට පුලුවන් ඒ කෙනා කපන මුදලින් භාගයකට මේ වැඩේ කරලා දෙන්න.
ගැහැණිය : අපේ ගෙදර තණකොළ කපන්න එන කෙනාගේ වැඩ ගැන මං සෑහීමට පත් වෙනවා. ඒ නිසා ඕන නෑ.
මිනිසා : (තවත් උනන්දුවෙන්) නෝනා මං නොමිලයේම ගේත් අතුගාලා දෙන්නම්.
ගැහැණිය : කණගාටුයි. අවශ්‍ය නෑ.
හිනාවක් එක්ක මේ පුද්ගලයා රිසීවරය පැත්තකින් තැබුවා. මේ කතාවට කන් දීගෙන හිටපු කඩේ අයකැමියා මේ පුද්ගලයා වෙතට ආවා.
අයකැමියා : යාලුවා, මං ඔයාගේ ධනාත්මක ආකල්පයට කැමතියි. මට පුලුවන් ඔයාට මේ කඩේ රැකියාවක් දෙන්න.
මිනිසා : ස්තුතියි. ඒත් ඕනෙ නෑ.              
අයකැමියා : ඒත් ඔයා රස්සාවක් ලබාගන්න ඉතා උනන්දුවෙන් ඉන්න බව පේනවා.
මිනිසා : නෑ මහත්තයා. මං මගේ රස්සාවෙ තත්ත්වය හා ගුණාත්මක බව හොයලා බැලුවෙ. දැන් මම කතා කරපු ගෙදර නෝනගේ තණකොළ කපන්නා තමයි මම.
මෙන්න මේකට තමයි කියන්නේ ස්ව්‍යං ඇගයීම කියලා.
අපේ මල් දෙවැටෙ යාලුවො මොකද හිතන්නේ මේ ගැන? ඔයාලා දන්නවද සිහිනය හා අරමුණ අතර වෙනස? සිහිනයකට අවශ්‍ය නිහඬ නින්දක්. ඒත් අරමුණකට අවශ්‍ය නොනිදන උත්සහයක්.

ඒ උනාට ගොඩක් අය කියන්නේ විවාහ වෙලා ටික දවසක් යනකොට මේ වචන හොයාගන්නවත් නෑ කියලා. නමුත් මුල් කාලයේ ආදරණීය වචන යලිත් තමන්ට ඇහෙනවානම් කැමති හැඟීමක් හිතට දැනෙනෙවා. ඒත් අපි අනෙක් කෙනාගේ හිතටත් ඒ ආසාවම ඇති කියලා හිතන්නේ නෑ නේද?

මෙතනදි විශේෂයෙන්ම කාන්තාවන් කියන කතාවක් තමයි දැන් අපිට ලොකු මහත් වෙච්ච දරුවොත් ඉන්න එකේ තරුණ කාලේ කතා කරපු ව්දිහට කතා කරන්න පුලුවන්ද කියලා. ඒත් ඒක නම් සම්පූර්ණ වැරදි මතයක්. මොකද ඒ කාලේ ආදරෙන් ඉඳලා විවාහ උන නිසයි අද ලොකු දරුමල්ලෝ ඉන්නේ. ඒත් ඒ කාලේ ඇල් මැරුණු විදිහට ආදරය පටන් ගත්තා නම් විවාහයක් නොවී ඉන්නත් ඉඩ තිබුණා නේද? ඒ ආදරණීය ගතියට ආදරය කරපු නිසා තමයි නේද ඔයා ඔහු හෝ ඇයව තමාගෙම කරගත්තේ?


විවාහ උනා කියලා ඒ ආදරණීය හැසිරීම් ආදරණීය වචන ඔබෙන් දුරස් වෙනවට අනිත් කෙනා කොහොමත් කැමති නෑ. ඒක නිසා විවාහයෙන් පසුවත් ඒ විදිහටම පොඩි පොඩි විහිලු, ආදරණීය කතා පවත්වාගෙන යන්න පුලුවන්නම් විවාහ දිවිය වඩාත් සුන්දර වේවි.
මේ ලිපිය කියවා ඔයාලගේ අදහසුත් මේකට එකතු කරන්න. ඔයාලගේ Facebook, Twitter යහලුවන් සමගත් මේ ලිපිය Share කරගෙන මල් දෙවැට සමග එකතුවන් අපේ යාලුවන් පිරිස වැඩි කරගැනීමට සහය දක්වන්න.

අද මල් දෙවැටෙ අපි කතා කරන මාතෘකාව තමයි අපි කොහොමද අපිට හරියන ගැහැණු ළමයෙක් ඒ කියන්නේ කෙල්ලෙක් හොයා ගන්නේ කියන එක. හැබැයි මුලින්ම කියන්න ඕනේ මේ ලිපිය මගේ අදහසක් නොවන බව. මට Email එකකින් තමයි මේ ලිපිය ලැබුනේ. මේක වැදගත් කියලා හිතුන නිසා මං අපේ මල් දෙවැටෙ යාලුවොත් එක්ක මේක බෙදා ගන්නවා.


සමහරු නිවැරදි ගැහැණු ළමයෙක් හොයා ගන්න හැටි හරියට නොදැන අමාරුවේ වැටෙනවා. දුක් වෙනවාහැබැයි මෙන්න මේ ක්‍රමය පාවිච්චි කරලා බලන්න. දෑනට ඔයාලා ආදරය කරන ගැහැණු ළමයෙක් ඉන්නවානම් චුට්ටක් මේවා තියනවාද කියලා බලන්න. මේක කියවලා සමහරුන්ට නම් කේන්ති යයි. සමහරු කියයි මොන මෝඩ කතාවක්ද කියලා. නමුත් ඔයාලා තව අවුරුදු 20ක්, 30ක්, 50ක් එකට ජීවත් වෙන්න යන්න හිතන් ඉන්න කෙනාගේ මේවා තියනවද කියලා හිතලා බෑලුවට මම නම් කියන්නේ පාඩුවක් වෙන්නේ නෑ. දෑනට කෙල්ලෙක් නෑති කට්ටිය ඉන්නවානම් කෙල්ලෙක් හොයා ගනිද්දි මේවා තියනවද කියලා බලන්න. මේකට කියන්නේ ABCDEF ක්‍රමය කියලා.

·         වයස (Age) - සාමාන්‍යයෙන් කොල්ලට වඩා කෙල්ල බාල වෙන්න ඕනා කියලා තමයි පිලිගැනිම. ඒක අවුරුදු 1ක්, 2ක්, 5ක්, 10ක් වෙන්න පුලුවන්. හැබැයි කෙල්ල වැඩිමල් වුනොත් වෙන වෙන ගැටලු වෙනවා කියලා විතරක් කියන්නම්.

·         ලස්සන (Beauty) - සමහරු කැමති කෙල්ල ඉටි රුපේ වගේ ඉන්නවානම්. හැබැයි කෙල්ල පාරේ එක්ක යන්න පුලුවන් ලස්සනට ඉන්නවානම් ඒක ඇති.

·         චරිතය (Character) - මුලින් කිවුව දෙකයි මේකයි තමා වඩා වෑදගත් වෙන්නේ. කෙල්ලෙක්ගේ චරිතය හරි නැත්නම් බෑදලා වෑඩක් වෙයිද කියලා හිතලා බලන්න

·         දෑවෑද්ද (Dowry) - අනේ සුදු මට ඔයා ව්තරක් ඈති කියලා කෙල්ලගේ ගෙදරින් ගෙයක් එහෙම දුන්නොත් ගන්නෙ නැති කොල්ලෙක් ඉන්නවානම් එයාට මේක අදාල නෑ.

·         අධ්‍යාපනය (Education) - කෙල්ලෙක්ට උපාධි කොච්චර තිබ්බත් ජීවත් වෙන්න ඉගෙන ගෙන නැත්නම් එයාගෙන් ඈති දේ මොකක්ද?

·         පවුල (Family) - කෙල්ලගේ පවුල ඒ කියන්නේ අම්මා තාත්තා සහෝදරයො කොහොමද කියන එක.

මේක කියවලා අපේ යාලුවෝ හිත නරක් කර ගන්න එපා. හැබැයි මේ කතාව වරදින්නත් කොහොමටත් විදියක් නෑ. අපේ මල් දෙවැටේ යාලුවොන්ගෙන් මේක ගෑන අදහස් ලැබෙනවනම් සතුටු වෙනවා.

මල් දෙවැට ගැන

ආදරය කොයිතරම් මුහුණුවරින් අප අතර තියෙනෙවාද? එවැනි ආදරයේ ආදරය ලබන, විරහවේ වේදනාව විඳින, ආදරය හදවතේ රුවාගෙන කියාගත නොහැකිව වැලපෙන ඔබ වෙනුවෙන්ම විවර උන මේ බ්ලොග් සටහනට ඔබව ආදරයෙන් පිළිගන්නවා....

මල් දෙවැටේ ලිපි ගන්න

ඔබගේ Email Address එක ඇතුලු කරන්න:

Delivered by FeedBurner

Facebook මිතුරෝ

මල් දෙවැටේ මිතුරෝ

පැමිණි අමුත්තන්

free counters

මල් දෙවැට

මල් දෙවැට